ՀՀ ԱԽ քարտուղար Արմեն Գրիգորյանը հանդիպել է Սերգեյ Շոյգուի հետ

05 / 11 / 2025

Նոյեմբերի 5-ին Մոսկվա կատարած աշխատանքային այցի ընթացքում ՀՀ ԱԽ քարտուղար Արմեն Գրիգորյանը հանդիպում է ունեցել Ռուսաստանի Դաշնության Անվտանգության խորհրդի քարտուղար Սերգեյ Շոյգուի հետ։

Հանդիպման ընթացքում զրուցակիցները քննարկել են Հայաստանի և Ռուսաստանի միջև առկա երկկողմ հարաբերությունների օրակարգն ու երկու երկրների Անվտանգության խորհուրդների գրասենյակների համագործակցության ընթացքը:

Կողմերը մտքեր են փոխանակել Հարավային Կովկասի անվտանգային իրավիճակի շուրջ և անդրադարձել տրանսպորտային ուղիների ապաշրջափակման արդյունքում ստեղծվող տնտեսական նոր հնարավորությունների իրագործման հարցին: