Շնորհավորական հեռագիր

21 / 03 / 2019

Այսօր ԱԽ քարտուղար Արմեն Գրիգորյանը շնորհավորական հեռագիր է հղել Տաջիկստանի Հանրապետության անվտանգության խորհրդի քարտուղար Մահմադալի Մահմադուլլո Վաթանզոդային:

Հեռագրում մասնավորապես ասված է՝

«Հարգելի՛ Մահմադալի Մահմադուլլո,

Շնորհավորում եմ Ձեզ Տաջիկստանի Հանրապետության Անվտանգության խորհրդի քարտուղար նշանակվելու կապակցությամբ:

Վստահ եմ, որ այս կարևոր պետական պաշտոնում Ձեր գործունեությունը լիովին կնպաստի Տաջիկստանի Հանրապետության անվտանգության ապահովմանն ու հետագա ամրապնդմանը:

Իմ կողմից պատրաստակամություն եմ հայտնում շարունակելու համատեղ ջանքեր գործադրել մեր կառույցների միջև փոխգործակցության խորացման ուղղությամբ ինչպես ՀԱՊԿ շրջանակներում, այնպես էլ երկկողմ ձևաչափով: Հույս եմ հայտնում, որ Ձեր անձնական աջակցությամբ Հայաստանի և Տաջիկստանի Հանրապետությունների միջև անվտանգության ոլորտում համագործակցությունը կընդլայնվի:

Հարգելի՛ Մահմադալի Մախմադուլլո, օգտվելով առիթից` ի սրտե մաղթում եմ Ձեզ քաջ առողջություն, երջանկություն, բարեկեցություն և հաջողություններ աշխատանքում:»